दमक, पाैष १८ / झापाको दमक –३ का दुइ सामुदायिक विद्यालयमा अध्ययनरत १ सय ८५ जना बालबालिकाहरुलाई नगरपालिका र वडा कार्यालयको सहयोगमा न्यानो कपडा वितरण गरिएको छ ।
दमक ३ का वडा अध्यक्ष नबिन बरालकाे प्रमुख आतिथ्यमा भएको सो कार्यक्रममा वडा सदस्यहरू झगेन्द्र धिमाल, शुकदेव लुइटेल, तनकुमारी दाहाल, टिका ठटाल र वडा सचिब सन्दिप सुबेदी लगायत सहभागिता रहेकाे थियाे ।
नगरपालिकाको शिक्षा शाखा र वडा कार्यालयको सहयोगमा चुलाचुली अधारभुतका १ सय ३१ जना र जनज्याेती प्राथमिक बिध्यालयका ५४ जना बिपन्न बालबालिकालाई एक/एक थान स्वीटर र टोपी प्रदान गरिएको छ ।
वडा सचिव सन्दीप सुवेदीले जाडोका कारण विद्यालय जान नसक्ने अवस्थाका वडा भित्रका बालबालिकालाई न्यानो कपडा वितरण गरिएकाे बताए । यस अघि नै वडाका सामुदायिक विद्यालयमा अध्ययनरत २ सय १५ जना बालबालिकाहरुलाई नगरपालिका र वडा कार्यालयको सहयोगमा न्यानो कपडा वितरण गरी सकिएकाे छ ।
