कार्तिक १, इलाम / इलामको सूर्याेदय नगरपालिका–१ स्थित जोगमाई खोलामा एक वृद्धको माछा मार्ने क्रममा मृत्यु भएको छ। माई जोगमाई –१ का डम्बरबहादुर राईको मृत्यु भएको हो।
मंगलबार दिउँसो माछा मार्न खोलामा हिँडेका ७२ वर्षीय वृद्ध राई घर नफर्किएपछि परिवारले रातिदेखि खोजी सुरु गरेका थिए। आफन्तले रातको समयमा खोज्दा कतै नभेटेपछि प्रहरीलाई खबर गरेका थिए।
मृतकका आफन्त र प्रहरीको टोलीले बुधबार खोजी गर्दा सूर्याेदय नगरपालिका–१ स्थित जोगमाई खोलामा मृतावस्थामा भेटिएको इलाका प्रहरी कार्यालय पशुपतिनगरका प्रमुख हेमराज ओलीले बताए ।
दैनिकजसो माछा मार्न खोलामा जाने राई माछा मार्ने क्रममा खोलामा चिप्लिएर लडेपछि डुबेर मृत्युको प्रहरीले प्रारम्भिक अनुमान छ।
फेसबूकमा कमेन्ट्स गर्नुहोस्
