मोरङ/ सुनसरी र मोरङमा सोमबार भएको सवारी दुर्घटनामा तीन जना घाइते भएका छन् । सुनसरीको रामधुनी नगरपालिका–६ ईचौलमा बा ३९ प ४१०७ नम्बरको मोटरसाइकल र को १ त ३५०९ नम्बरको ट्याक्टर आपसमा ठोक्किदा मोटरसाइकल चालक बराहा नगरपालिका –५ बस्ने ३७ बर्षिय धिरज बराईली र पछाडि सवार ४५ बर्षिय रबिन राई घाईते भएका छन् ।
घाइते दुवैलाई उपचारकोलागी ईटहरी पठाइएको छ भने ट्याक्टरका चालक फरार रहेकाले खोजी भइरहेको छ । यस्तै मोरङको लेटाङ नगरपालिका–४ फायरलाईन स्थित कानेपोखरी–लेटाङ सडक खण्डमा को १ च २६३५ नम्बरको भ्यानले को ५ प ८४५२ नम्बरको मोटरसाइकललाई ठक्कर दिँदा मोटरसाइकल चालक सुन्दरहरैचा नगरपालिका–९ बस्ने ६० बर्षिय लक्ष्मी प्रसाद संग्रौला घाईते भएका छन् ।
उनको बिराट अस्पताल विराटनगरमा उपचार भइरेहको छ । भ्यानका चालक इलाका प्रहरी कार्यालय लेटाङको नियन्त्रणमा छन् ।
फेसबूकमा कमेन्ट्स गर्नुहोस्
