दमक/ नेपाल स्वयंसेवी रक्तदाता समाज झापाको अध्यक्षमा पुनः सिताराम खतिवडा चयन भएका छन् । समाजको सोमबार दमकमा सम्पन्न दोश्रो जिल्ला अधिबेशनले खतिवडाको अध्यक्षतामा ११ सदस्यीय जिल्ला कार्यसमिति चयन गरेको हो ।
सर्वसम्मत निर्वाचित समितिको उपाध्यक्षमा कमलकुमार घिमीरे,सचिवमा फडिन्द्रकुमार भट्टराई र कोषाध्यक्षमा पारिजात निरौला चुनिएका छन् । यस्तै सदस्यहरुमा विष्णु सुब्बा,लक्ष्मीप्रसाद काफ्ले ,मञ्जना सिटौला,प्रकाशचन्द्र पोख्रेल,राम विष्ट , खड्ग राई र विनोद निरौला चयन भए ।
स्थानीय ज्येष्ठ नागरिक सम्मान प्रतिष्ठानको कार्यालयमा आयोजित अधिबेशन दमक नगरपालिकाका प्रमुख रोमनाथ ओलीको प्रमुख आतिथ्यतामा भएको थियो । सो अवसरमा समाजले आजीवन सदस्यहरुको प्रमाणपत्रसहित परिचय पत्र समेत वितरण गरिएको अध्यक्ष खतिवडाले बताए ।
फेसबूकमा कमेन्ट्स गर्नुहोस्
