सन् २०२६ को विश्वकप तीन देशले संयुक्त रुपमा आयोजना गर्ने

16

एजेन्सी / सन् २०२६ मा हुने विश्वकप तीन देशले संयुक्त रुपमा आयोजना गर्ने भएका छन् । तीन देश अमेरिका, क्यानाडा र मेक्सिकोले संयुक्त रुपमा विश्वकप आयोजना गर्ने भएका हुन् । मोरक्को भने विश्वकप आयोजना गर्ने होडबाट बाहिरिएको छ ।
रसियाको मस्कोमा बुधबार बसेको अन्तर्राष्ट्रिय फुटबल महासंघ (फिफा) को ६८औं कंग्रेसमा तीन देशको संयुक्त आयोजनाको पक्षमा १ सय ३४ भोट परेको थियो । अफ्रिकन देश मोरक्को पक्षमा ६५ भोट खसेको थियो ।
सन् २०२६ को विश्वकपमा ४८ टिमबीच प्रतिस्पर्धा हुनेछ । प्रतियोगितामा ८० खेल हुनेछन् भने ३४ दिनसम्म चल्नेछ । अमेरिकामा ६० खेल हुनेछ । क्यानडा र मेक्सिकोले १०–१० खेल खेलाउनेछन्। फाइनल खेल न्युयोर्कको मेटलाइफ रंगशालमा हुनेछ । जहाँ विश्वकप ८४ हजार ९ सय ५३ दर्शक अटाउनेछन् ।

फेसबूकमा कमेन्ट्स गर्नुहोस्