बिर्तामोड/ शहीद स्मृति तथा जनयोद्धा संरक्षण प्रतिष्ठान दमकको आयोजनामा बैशाख २ गते ‘अबको समाजवाद’ विषयक गोष्ठी आयोजना गरिएको प्रतिष्ठानका सचिव रेवतराज पुरी (गगन) ले जानकारी दिए । उनका अनुसार कम्युनिष्ट पार्टीका केन्द्रीय नेताहरुको उपस्थितिमा कार्यक्रम गरिनेछ । दुई ठूला कम्युनिष्ट पार्टीबीच हुन लागेको एकताको विषयलाई लिएर झापाको बिर्तामोडमा घनिभूत छलफल गरिने भएको छ ।
कार्यक्रमलाई माओवादी नेता नारायणकाजी श्रेष्ठ, राम कार्की र एमाले नेता एवम् परराष्ट्रमन्त्री प्रदीप ज्ञवालीले सम्बोधन गर्ने प्रतिष्ठानका अध्यक्ष झलकसिंह दर्लामीले बताए । बिर्तामोडको आदर्श व्याङ्केटमा हुने गोष्ठीमा पार्टी एकता र आगामी नीतिका बारेमा गम्भीर बहस गरिने उनले बताए ।
दुई ठूला पार्टी नेकपा एमाले र नेकपा माओवादी केन्द्रबीच बैशाख ९ गते एकता गर्ने भनिएको छ ।
फेसबूकमा कमेन्ट्स गर्नुहोस्
