बिर्तामोड/ झापाको बिर्तामोड ६ काली मन्दिरस्थित पूर्वपश्चिम राजमार्गमा पश्चिमबाट पूर्वतर्फ जाँदै गरेको मोटरसाइकलले टक्कर दिँदा तीनजना घाइते भएका छन् ।
मे. ६ प ८५३८ नम्बरको मोटरसाइकललाई सोही दिसातर्फ जाँदै गरेको मे. ३ प ४७०६ नम्बरको अर्काे मोटरसाइकलले पछाडिबाट ठक्कर दिँदा मे. ३ प ४७०६ का चालक बिर्तामोड ३ बस्ने वर्ष ४३ का सरेश गुरुङ, मे. ६ प ८५३८ का चालक बिर्तामोड ६ बस्ने वर्ष ४८ को धनपती सत्याल र पछाडि सवार भारत आसाम घर भई सत्यालको घरमा पाहुना आएका वर्ष ३९ का सञ्जीव घिमिरे घाइते भएका हुन् ।
त्यस्तै, अर्जुनधारा १० देउनिया खोलास्थित पूर्वपश्चिम राजमार्गमा पश्चिमबाट पूर्वतर्फ जाँदै गरेको मे. १ च ३३४१ नम्बरको छोटाहात्ती गाडीले बाटो काट्दै गरेको पैदलयात्री ताप्लेजुङ दोखु ३ बस्ने वर्ष ६४ को डम्बरबहादुर लिम्बुलाई ठक्कर दिएर घाइते बनाएको छ ।
छोटाहात्ती गाडी चालक झापा मेचीनगर ७ बस्ने वर्ष २७ को सुशील धिताल र गाडी प्रहरीको नियन्त्रणमा रहेको छ ।
त्यस्तै, शिवसतासी ११ दुधेस्थित पूर्वपश्चिम राजमार्गमा पश्चिमबाट पूर्वतर्फ जाँदै गरेको को. १३ प ७९२५ नम्बरको पलसर मोटरसाइकलले बाटो काट्दै गरेका पैदलयात्रीलाई ठक्कर दिँदा वर्ष ६५ का पूर्ण गुरुङ घाइते भएका छन् ।
मोटरसाइकल चालक कमल ६ बस्ने वर्ष ३० को कृष्ण कार्कीलाई प्रहरीले नियन्त्रणमा लिएको छ । घाइते सबैको बिएन्डसी अस्पताल बिर्तामोडमा उपचार भइरहेको छ ।
