दमक/ झापाको दमकमा सोमबार आयोजना गरिएको रक्तदानमा ३० पिन्ट रगत संकलन भएको छ । दमक १ स्थित पाथीभरा चेलीबेटी समूहले गरेको खुल्ला रक्तदानमा ११ महिलासहित ३० जनाले रगत संकलन भएको समूहकी अध्यक्ष कल्पना सत्यालले बताईन् ।
उनका अनुसार रक्तदान जीवनदान भन्ने नाराका साथ स्थानीय कुमाल चौकमा रक्तदान कार्यक्रम गरिएको थियो । रक्तदानमा समूहकी अध्यक्ष सत्याल,उपाध्यक्ष सविता भट्टराई,सदस्यहरु सुनिता कडुवाल,निर्मला बराललगायतले रगत दिएका थिइन् ।
रक्तदान नेपाल रेडक्रस सोसाइटी रत्तलसञ्चार सेवा केन्द्रको प्राविधिक सहयोगमा सम्पन्न भएको थियो । समूहले महिला भेला ,ऋण ,बचत संगै गतवर्षदेखि बार्षिक कार्यक्रम अन्तर्गत रक्तदान गरिआएको अध्यक्ष सत्यालले बताइन् ।
फेसबूकमा कमेन्ट्स गर्नुहोस्
