दमक/ दमक ५ स्थित शिव श्री धनेश्वर महादेव शिव पाञ्चायन मन्दिरमा सातौ पटक महापुराण लाग्ने भएको छ ।
धनेश्वर धामको विकास र निर्माणकार्यको अधुरो सामुदायिक भवन पूरा गर्ने लक्ष राखेर आगामी चैत्र ११ गतेदेखि महापुराणको आयोजना गरिएको मन्दिर संरक्षण समिति खर्खरेले सोमवार पत्रकार सम्मेलन मार्फत जानकारी दिएको हो ।
महापुराण सम्पन्न गर्न ४ सय ५१ सदस्य मुल आयोजक समिति निर्माण गरिएको र विभिन्न उपसमिति समत निर्माण गरि कामको बाडफाँड गरिएको समितिका अध्यक्ष रुद्रबहादुर कार्कीले बताए । उनका अनुसार निरन्तर १८ वर्ष सम्म वर्षेनी पुराण लगाउने संकलप गरिएकोले हरेक वर्ष पुराण आयोजना गरिएको हो ।
महापुराणको कथा बाचन पं. उदयनाथ दाहाल र उपबाचन पं. श्री जीवन अधिकारी र गणेश कृष्णप्रसाद काप्mले रहने समितिका सचिव एकराज लुईटेलले जानकारी दिए ।
केहि अभिभावकहरुले यो समय विद्यार्थीहरुको परिक्षाको समय परेकाले परिक्षार्थीलाई असर पर्नेगरि पुराण लगाइनु गलत भएकोले समय सार्न माग गरेपनि प्रतेकवर्ष लाग्दै आएको पुराणलाई निरन्तरता दिन यही समितिको कार्यकाल अवधिमा लगाइनुपर्ने भएको र बैशाखदेखि नयाँ सम्वत शुरुहुने भएकाले यही समय पुराण आयोजना गर्न उपयुक्त भएको कोषाध्यक्ष रीता बस्नेत श्रेष्ठले बताइन् । माइकको हो हल्ला र ठूलो आवाजले पढ्ने विद्यार्थीलाई असर पर्ने गरेको गुनासो अभिभावकले गर्दै आएका थिए ।
६ कट्ठा ५ धुर क्षेत्रफलमा फैलिएको यो मन्दिरमा नागपोखरी सहित सभाहल लगायतका भौतिक संरचना निर्माणधिन अवस्थामा छन् । मन्दिर परिषरमा भवन, पोखरी र लाखबात्ती बाल्ने स्थानमा निर्माण कार्य अन्तिम चरणमा पुगेको छ ।
यस क्षेत्रमा १९९० भन्दा अघिपनि नयाँ बाली लगाउदा र न्वागी खाँदा (उधौली÷उभौली) आदिमा पूजा पाठ गर्द यो स्थानमा चढाएर मात्र खाने गरिएको हुनाले यो देवस्थल पुरातन दृष्टीले पनि मन्दिर बनाउन र पूजा गर्न योग्य स्थान भएको किम्बदन्ती रहेको संस्थाका सल्लाहकार सरस्वती प्रसाद गौतमले बताए ।
मन्दिरका गुरु कृष्ण काप्mलेका अनुसार आदिवासी र धिमाल समुदायले ‘जगरे बाबा’को नाममा केहि दशक अघिसम्म यही स्थानमा पूजा गर्ने गरेका थिए ।
