प्रदेश आवाज
दमक,१९ फागुन/ मोटरसाइकलको ठक्करबाट झापाको शिवसतासी –८ मा गएराती एक जना पैदलयात्रीको मृत्यु भएको छ । मृत्यु हुृनेमा शिवसतासी ११ की ५५ बर्षीया धनमाया राई रहेको इलाका प्रहरी कार्यालय झिलझिलेले जनाएको छ ।
शुक्रबार बेलुकी साढे ७ बजे मे ४ प २९८ नम्बरको मोटरसाइकलको ठक्करबाट गम्भीर घाइते भएकी राईको उपचारको लागि अस्पताल लैजाँदै गर्दा बाटोमा मृत्यु भएको प्रहरीले जनाएको छ । दुर्घटनामा संलग्न मोटरसाइकल चालकलाई प्रहरीले अनुसन्धानका लागि नियन्त्रणमा लिएको छ ।
यसैगरि शुक्रवार दमक –५ स्थित पूर्वपश्चिम राजमार्गस्थित सडकखण्डमा स्कुटर दुर्घटना हुँदा कमल गाउँपालिका –५ बस्ने २५ बर्षिया कल्पना बस्नेत घाईते भएकी प्रहरीले जनाएको छ ।
मे ६ प ७३९९ नम्बरको स्कुटर विहान ११ बजेतिर अनियन्त्रित भइ दुर्घटना हुदाँ स्कुटरमा सवार पछाडी सवार बस्नेत घाइते भएका हुन् । घाईतेको न्युरो अस्पताल विराटनगरमा उपचार भइरहेको इलाका प्रहरी कार्यालय दमकले जनाएकोछ ।
