दमक/ दमक ४ स्थित बशिष्ठ संस्कृत गुरुकुल विद्यापीठले शुक्रवार आफ्नो चौथो बार्षिकोत्सव बिभिन्न कार्यक्रम गरी मनाएको छ । गुरुकुल परिषरमा रचना बाचन लगायतका कार्यक्रम गरेर गुरुकुलले आप्mनो बार्षिकोत्सव मनाएको हो । कार्यक्रममा झापा ,मोरङ ,सुनसरीका बिभिन्न श्रष्टाहरुले कवितावाचन गरेका थिए ।
कार्यक्रममा श्रष्टाहरु विष्णु न्यौपाने, सुरेन्द्र सापकोटा, बाटोघरे कान्छा, सानो दिल, लेखनाथ भट्टराई, कमल मिश्र, लोकेन्द्र बन्जरा, कल्पना आचार्य ओली, पुष्प लोहा, सरोज भट्टराई, विराट किराती, देवराज चौलागाईं, गगन योराङ्देन लगायत दर्जन श्रष्टाहरुले रचना प्रस्तुत गरेको कार्यक्रमका संयोजक साहित्यकार मिश्र वैजयन्तीले बताइन् ।
गुरुकुलका अध्यक्ष राजेन्द्र भट्टराईको अध्यक्षतामा भएको कार्यक्रम भट्टराई कुलवंश प्रतिष्ठानका अध्यक्ष शेरवहादुर भट्टराईको प्रमुख आतिथ्यतामा सम्पन्न भएको थियो ।
