दमक/ नेकपा माओवादी केन्द्रका स्थायी समिति सदस्य तथा पूर्व गृह तथा उर्जा मन्त्री जनार्दन शर्मा प्रभाकरले जनयुद्ध कालमा अधुरा रहेका काम अब बामशक्तिहरुको एकताबाट पूरा गरिने बताएका छन् ।
जनयुद्ध दिवशको पूर्व सन्ध्यामा दमकमा आयोजित दिपावली पछिको कोण सभालाई सम्वोधन गर्दै नेता शर्माले युद्धकालमा बनाइएका योजना शान्तिकालमा पूरा गर्न र विकास, समृद्धीकोलागि नै परिर्वतनका पक्षधरहरु एक हुनुपर्ने विचार ब्यक्त गरे ।
उनले विगतका दिनमा पनि परिर्वतनकैलागि बन्दुक उठाइएको स्मरण गर्दै जनयुद्धले मुलुकमा ठूलो परिर्वतन ल्याएको बताए । कार्यक्रम दमक नगर समितिको आयोजनामा सम्पन्न भएको वाइसीएल नेपालका केन्द्रीय सचिवालय सदस्य कर्म पुलामीले जानकारी दिए । ०५२ साल फागुन एक गतेवाट जनयुद्ध शुरु भएको थियो ।
फेसबूकमा कमेन्ट्स गर्नुहोस्
