झापा / दमकमा केन्द्रिय कार्यालय रहेको मेचि सहकारी संस्थाले आफ्नो बार्षिक उत्वसको अवसर पारेर शनिबार आयोजना गरेको रक्तदान कार्यक्रममा ८६ पिन्ट रगत संकलन भएको छ ।
सहकारीको २६ औं बार्षिक उत्सव तथा २८ औं साधारणसभाको अवसर पारेर आयोजना गरेको रक्तदान कार्यक्रममा उक्त रगत संकलन भएको सहकारीका सुचना अधिकारी चन्द्र थापाले जानकारी दिए।
सहकारीको स्वास्थ्य उप समिति सम्योजक मिना कोईरालाको अध्यक्षतामा भएको रक्तदान कार्यक्रममा नेपाल रेडक्रस सोसाईटी उप शाखा दमकको प्राबिधिक सहयोग रहेको थियो । दमक रेडक्रस सभापती प्रकाश बुढाथोकीको प्रमुख आतिथ्यतामा भएको कार्यक्रममा सहकारीको प्रमुख कार्यकारी अधिक्रित खोम प्रसाद बगाले लगायतको उपस्थिति रहेको थियो ।
सहकारीले बार्षिक उत्सवको अवसर पारेर बिभिन्न कार्यक्रमहरु गरिरहेको छ । भोली १२ गते सहकारीको साधारणसभाको आयोजना गरिएको छ ।
फेसबूकमा कमेन्ट्स गर्नुहोस्
