झापा ४, वैशाख / झापा मा पछिल्लो २४ घण्टामा थप १ सय ३५ जनामा कोरोना संक्रमण पुष्टि भएको छ ।
संक्रमित मध्ये ५४ महिला र ८१ पुरुष रहेको जिल्ला स्वास्थ्य कार्यालय झापाले जनाएको छ । संक्रमितहरु बिर्तामोडमा २५ जना, भद्रपुरमा १७ जना, गौरादहमा ९ जना, अर्जुनधारामा ५ जना, मेचीनगरमा ९ जना, कनकाईमा २० जना, दमकमा २० जना रहेका छन् ।
त्यस्तै वुद्धशान्तिमा ६ जना, शिवसताक्षीमा ४ जना, कमलमा ७ जना, हल्दिबारीमा ६ जना, बाह्रदशीमा २ जना, कचनकबलमा २ जना रहेका छन् भने ठेगना नखुलेको २ जनामा संक्रमण पुष्टि भएको स्वास्थ्य कार्यालय झापाले जनाएको छ । योसँगै झापामा आजसम्म कुल संक्रमितको संख्या ५९२५ पुगेको छ ।
त्यस्तै आजसम्म आइसोलेसनमा रहेका सक्रिय संक्रमितको संख्या १२०३ रहेको छ । आज २ जनाको मृत्यु भएसँगै कुल मृत्यु हुनेको संख्या १४६ पुगेको जिल्ला स्वास्थ्य कार्यालय झापाले जनाएको छ ।
