दमक। मोरंगको विराटनगरका फुट्बल खेलाडी कमल खबासको श्रीमतीको उपचारका लागि झापाको दमकबाट ३२ हजार आर्थिक सहयोग प्रदान गरिएको छ ।
दमकको भाङ्गबारी स्पोर्टिङ्ग युथ क्लब र दमक १ फुट्बल परिवारले उक्त रकम प्रदान गरेको दमकका फुट्बल प्रशिक्षक कुमार गिरीले बताए ।
उनका अनुसार दमक भाङ्गबारी स्पोर्टिङ्ग युथ क्लबले २० हजार र दमक १ फुट्बल परिवारले १२ हजार आर्थिक सहयोग गरेका हुन् । खबासकी श्रीमती घरको छतबाट खसेर घाइते भएकी थिइन । हाल उनि उपचारको क्रममा रहेकी छन् ।
खबासले भाङ्गबारीमा आबध्द भएर धेरै पटक फुट्बल खेलेका थिए । खेलमा निकै लगनसिल भएर खेल्ने खबासलाई उनको श्रीमतीको उपचारका लागि आर्थिक सहयोग गरेको क्लबका अध्यक्ष सुरेन्द्र देवानले बताए । खबासले भाङ्गबारीको तर्फबाट थुप्रै प्रतियोगितामा सहभागिता जनाएका छन् ।
फेसबूकमा कमेन्ट्स गर्नुहोस्
