काठमाडौं, १ असार । नेपालमा कोरोनाभाइरस संक्रमितको संख्या ६ हजार २११ पुगेको छ ।
स्वास्थ्य तथा जनसंख्या मन्त्रालयको नियमित ‘प्रेस ब्रिफिङ’मा सोमबार मन्त्रालयका प्रवक्ता जागेश्वोर गौतमले संक्रमितको संख्या ६२ सय ११ पुगेको जानकारी दिए ।
पछिल्लो २४ घन्टामा ४५१ जना नयाँ संक्रमित थपिएको उनले बताए । पछिल्लो २४ घन्टामा सात महिलासहित ६७ जना कोरोनामुक्त भएर अस्पतालबाट ‘डिस्चार्ज’ भएका छन् ।
योसँगै नेपालमा हालसम्म कोरोनाबाट निको हुनेको संख्या एक हजार ४१ पुगेको छ । नेपालमा कोरोनाबाट पछिल्लो २४ घन्टामा कसैको मृत्यु भएको छैन । अहिलेसम्म कोरोनाबाट मृत्यु हुनेको संख्या १९ रहेको छ ।
अहिलेसम्म एक लाख ३८ हजार ६८३ ओटा ‘पीसीआर’ परीक्षण भएका छन् । हाल देशभर एक लाख ३३ हजार ८२९ जना ‘क्वारेन्टिन’मा रहेका छन् । पाँच हजार १५१ जना ‘आइसोलेसन’मा रहेका छन् ।
भिडियो हेर्नुहाेस्
https://www.facebook.com/mohpnep/videos/295851028238239/
