थप दुई जनामा कोरोना, संक्रमितको संख्या २४५ पुग्यो

 काठमाडौं,  १ जेठ / नेपालमा थप दुई जनामा कोरोना (कोभिड-१९) संक्रमण पुष्टि भएको छ । योसँगै नेपालमा कोरोना संक्रमित व्यक्तिहरुको संख्या २ सय ४५ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो पटक कपिलवस्तु निवासी ६ वर्षीया बालिका र काठमाडौंको चन्द्रागिरि निवासी ३२ वर्षीय पुरुषमा कोरोना संक्रमण पुष्टि भएको हो ।

उनिहरुको स्वास्थ्य अवस्था सामान्य रहेको मन्त्रालयले जानकारी गराएको छ ।