दमक/ अर्थमन्त्री डाक्टर प्रकाश शरण महतले बैंकको ब्याज दर चाँडै एकल अंकमा आउने बताए ।
दमक उधोग वाणिज्य संघले आयोजना गरेको दमक महोत्सव २०८०को उद्घाटन सत्रमा बोल्दै अर्थ मन्त्री महतले यस अघि भएकै खराब ऋण लाई उठाउनकै लागि भए पनि ब्याज घट्ने बताए ।
वाणिज्य संघले माघ २८ गतेदेखि फागुन १२ गते सम्म दमक ७ को सयपत्री टोल स्थित रतुवा खोला किनारमा शुरु गरेको पाँचौं दमक महोत्सव उद्घाटन कार्यक्रमका बोल्दै ऋण लिने दिने दुवैको कमजोरी भएको कारण खराब ऋण बढेको बताउँदै यसको चाँडै समाधान गर्ने कार्यक्रमका प्रमुख अतिथि अर्थमन्त्री महतले बताए । उनले कसैको पछि लागेर ऋणीले लिएको ऋण मिनाह नहुने समेत जानकारी गराएँ त्यो सम्झनु भनेको आफ्नै खुट्टामा बन्चरो हान्नु जस्तो हो । कसरी सहज गराउने भनेर कुरामा सरकार लागि परेको बताउदै मन्त्री महतले ऋण लिएको मान्छे ऋण तिर्ने पर्ने बताए । उनले दमकमा रहेका सभा हल र दमक भ्यू टावर अहिलेको आवश्यकता नभएको समेत गर्दा । अघिल्ला सरकारले अनुपादक क्षेत्रमा बढी लगानी गरेको बताउँदै, निर्माण भई सकेको संरचनालाई जुनसुकै सरकारलेपनि अलपत्र पार्न नहुने उल्लेख गरे ।
महोत्सवले केही समयदेखि सुस्ताएको ब्यापार ब्यवसायलाई, आर्थिक चलायमान गर्ने नेपाल उधोग वाणिज्य महासंघका पूर्व अध्यक्ष चण्डीराज ढकालले बताए ।
करको दायरा बढाउनु पर्छ वाणिज्य महासंघका केन्द्रीय सदस्य तथा मेला महोत्सव समितिका संयोजक उमेश डालमियाँ निजी क्षेत्रले मेला महोत्सवको आयोजना गरेमा सरकारलाई कर आउने तर स्थानिय क्लव ,समुहले आयोजना गर्दा केही समस्या पनि भएको भन्दै अर्थमन्त्रीलाई ध्यानकर्षण गराए ।
दमक नगर पालिकाको प्रमुख राम थापाले नगरमा संघीय बजेट आउन रोकिएका भौतिक संरचना समस्यामा रहेको भन्दै दमक गौरवका योजनामा बीचमा अलपत्र नपार्न अर्थमन्त्री महतलाई ध्यानकर्षण गराए ।
कार्यक्रममा बोल्दै नगर उपप्रमुख रेगिना भट्टराई प्रसाईले महोत्सवले दमकको समग्र व्यापार लाई बढाउन सहयोग पुर्याउने बताउँदै । नगरले समेत सबै खाले उपभोक्ताका लागि सस्तो बजार सञ्चालन गर्ने सोच बनाउँदै गरेको बताइन् ।
संघका अध्यक्ष गोपाल गुरागाई को सभापतित्वमा सञ्चालन भएको कार्यक्रममा संघका पूर्व अध्यक्ष तथा नेपाल उद्योग वाणिज्य महासंघका केंद्रीय सदस्य गोकुल श्रेष्ठ, सविधान सभा सदस्य महेन्द्र कुमारी लिम्बू, दमकका वडा अध्यक्षहरु, विभिन्न संघ संस्थाका प्रतिनिधि लगायत को उपस्थिति रहेको थियो कार्यक्रममा स्वागत मन्तव्य महोत्सवका संयोजक तथा
वरिष्ठ उपाध्यक्ष राजु खड्का राखेका थिए भने महोत्सवको सञ्चालन संघका प्रथम उपाध्यक्ष राज कुमार योङ्या ले गरेका थिए । फाल्गुन १२ गते सम्म संचालन हुने महोत्सवमा विभिन्न व्यापारिक स्टल सहित हरेक दिन साङ्गीतिक कार्यक्रम हुनुको साथै विभिन्न खेल तमासा हुने आयोजकले जनाएको छ ।
