दमक/ कोरोना भाइरस संक्रमण भए नभएको जाँच पश्चात कोरोना संक्रमण पुष्टि नभएपछि झापाको दमक ६ स्थित मश्जिदलाई नै क्वारेन्टाईन बनाएर यहाँ रहेका १४ जनालाई राखिएको छ ।
मश्जिदलाई नै क्वारेटाइनको मान्यता दिएर उनिहरुको नियमित रुपमा नगरपालिकबाट नै रेखदेख हुँदै आएको छ ।
यहि क्रममा बिर्तामोडको एक मस्जिदमा रहेका धर्मगुरुहरुलाई एम्बुलेन्सबाट साँझमा दमक ल्याईएको जनाईएको छ ।
स्थानीयले यो थाहा पाएपछि बिरोध जनाउदै सडकमा आएका थिए । स्थानीयको अवरोध र बिरोधपछि एम्बुलेन्समा नै उनिह्ररुलाई जताबाट आएको त्यतै फर्काईएको जनाईएको छ ।
उनिहरुको कोरोना जाँचमा कसैलाई पनि कोरोना देखिएको थिएन । त्यहि भएर एकै ठाँउमा राख्न खोजिएको बताईन्छ ।
दमक नगरपालिकाका प्रमुख रोमनाथ ओलीले उनिहरुलाई फिर्ता पठाईएको बताए ।
जताबाट आएकाहुन् उनिहरुलाई त्यतै फर्काईएको छ, उनले भने ।
स्थानीयले क्वारेन्टाइनमा लैजानका लागि माग गरेका थिए । बिरोध भएपछि साँझमा मस्जिद आसपास कडा सुरक्षा पारिएको थियो ।
