काठमाडौँ / शिक्षाबिद तथा गायक बिनोद चुडालले विश्वब्यापी महामारीको रुपमा फैलिएको कोरोना भाइरस (कोभिड-१९) नियन्त्रण गर्नको लागि रु. ५१,००० ( एकाउन्न हजार ) कोरोना नियन्त्रण कोषमा सहयोग गरेका छन् ।
चुडाल बिगत लामो समय देखि शिक्षा क्षेत्रमा योगदान पुर्याउदै आएका अब्बल नागरिकको रुपमा परिचित र हाल काठमाडौं काँँडाघारीमा पुष्पबाटिका स्कुल संचालक हुन् । उनि कला र संस्कृतिलाई पनि उत्तिकै माया मोह गर्दै संरक्षण गर्दै यसको उत्थानमा समेत सक्रिय रहेका व्यक्तित्व हुन् ।
गायक समेत रहेका बिनोद चुडालले आफ्नो कर्णप्रिय आवाजमा केहि चर्चित गीतहरुमा समेत आवाज भरिसकेका छन् भने आमा बोलको गीतले सर्बत्र चर्चा समेत कमाएको थियो । मुलुक कोरोनाको संक्रमण बाट गुज्रिरहेको अबस्थामा देश र जनताको हकहितको लागि उनले आफ्नो तर्फ बात उक्त सहयोग गरेका हुन् । साथै उनले सम्पूर्ण देशबासीलाई सुरक्षित रहेर बस्न पनि आग्रह गरेका छन् ।
