दमक, माघ २४ / झापाकाे दमकमा बुद्धि कुमार राई स्मृति प्रदेश १ विद्यालय स्तरीय फिडे रेटिङ बुद्धिचाल प्रतियोगिताकाे दोश्रो दिनकाे खेल सम्पन भएकाे छ ।
झापा जिल्ला बुद्धिचाल संघ र डायनामिक चेस एकेडेमीकाे आयोजनामा र डाईनामिक चेस एकाडेमी दमककाे सह आयोजकमा दमक ९ मा रहेकाे सप्तश्री एकेडेमीमा प्रदेश १ विद्यालय स्तरीय फिडे रेटिङ बुद्धिचाल प्रतियोगिताकाे दोश्रो दिन ५ चरणको खेल पछि ५ अंक का साथ सप्तकोशी कलेज का आदेश दाहालले एकल अग्रता लिएका छन् त्यस्तै संयुक्त दोश्रो स्थानमा ४.५ अंक जोडदै एकता एकेडेमी दमकका मिसन दाहल र मदन स्मृति कलेजका सक्षम भन्डारीले रहेका छन्।
संयुक्त तेश्रो स्थानमा ४ अंकका साथ ६ खेलाडी रहेका छन् । भोलि माघ २५ गते प्रतियोगिताको अन्तिम दिन २ चरणको खेल हुनेछ। प्रतियोगितामा प्रदेश भरिका बिभिन्न विद्यालयका ४७ खेलाडीको सहभागिता रहेको प्रमुख निर्णायक नेपाल च्याम्पियन भुपेन्द्र निरौलाले जनाकारी दिए ।
