दमक / दमकका व्यवसायीहरुको एक टोलीले प्रधानमन्त्री केपी ओलीलाई भेटेर बधाई तथा शुभकामना दिएको छ । राष्ट्रिय बाणिज्य संघको एक टोलीले ओलीलाई बधाई दिँदै ७ बुँदे मागपत्र समेत बुझाएको संघका दमक नगर कमिटि सदस्य रमेश लुईंटेलले जानकारी दिए ।
दमकलाई नयाँ औद्योगिक सहर बनाउनु पर्ने, दमकमा एउटा रंगशाला निर्माण गर्नुपर्ने, अत्याधुनिक सुबिधा सम्पन्न शित भण्डार निर्माण गर्नुपर्ने लगायतका सात बुँदे माग प्रस्तुत गरेको पत्र बुझाइएको उनले बताए ।
यसमा प्रधानमन्त्री ओलीले आफु सकारात्मक भएको भन्दै थप कुरा अध्ययन गर्ने र योजना बनाउने आश्वासन दिएको लुइटेलले जनाए । टोलीमा संघका केन्द्रिय सदस्य भरत कुमार चौलागाईं र राजकुमार श्रेष्ठ समेत सहभागि रहेका थिए ।
फेसबूकमा कमेन्ट्स गर्नुहोस्
