काठमाडौं / आईसीसी विश्व क्रिकेट लिग डिभिजन टु को अंकतालिकाको शिर्ष स्थानमा रहँदै नेपाल एकदिवसीय विश्वकप छनौट प्रतियोगिताका लागि छनौट भएको छ । प्रतियोगिताको अन्तिम खेलमा क्यानडालाई एक विकेटले पराजित गर्दै नेपाल आगामी मार्चमा जिम्बाबेमा हुने आईसीसी एकदिवसीय बिश्वकप छनौट खेल्ने भएको हो ।
क्यानडाले दिएको १९५ रनको लक्ष्य पछ्याउने क्रममा नेपालले १४४ रन बटुल्दा नै ९ विकेट गुमाएर जित्ने सम्भावना लगभग समाप्त भइसकेको थियो । जितका लागि ५१ रन आवस्यक भएको बेला करन केसी र सन्दिप लामिछानेले उत्कृष्ट प्रदर्शन गर्दै नेपाललाई जितसम्म पुर्याए । यो जितमा बलर करण केसीले विष्फोटक ब्याटिङ गरे र उनलाई दर्बिलो साथ दिए अर्का बलर सन्दीप लामिछानेले । अन्तिम ओभरमा नेपाललाई जितको लागि ८ रन आवस्यक हुँदा करन केसीले सुरुको ४ बलमा रन बनाउन सकेनन ।
अन्तिम ओभरको पाँचौ बलमा करनले छक्का प्रहार गरेपछि नेपाललाई जितको लागि अन्तिम २ बलमा २ रन आवस्यक थियो । पाँचौ बल क्यानडा बलरले वाइड गरेपछि अन्तिम बलमा नेपाललाई एक रन आवस्यक थियो । जुन करनले पुरा गरे । ३१ बलको सामना गरेका करनले ४ छक्का र ३ चौका मद्धतमा अविजित ४२ रनको इनिंग खेले । सन्दिप लामिछाने १८ बलमा ५ रन बनाएर अविजित रहे ।
नेपालले ज्ञानेन्द्र मल्ललाई ९ र पारस खड्का शून्य रनमा लगातार गुमाएपछि दीपेन्द्र ऐरी र दिलिप नाथले तेश्रो विकेटको लागि ५० रनको साझेदारी गर्दै नेपालको इनिंग उकासेका थिए। दिलिप नाथ ४१, रोहितकुमार पौडेल, २७, आरिफ शेख २६, दिपेन्द्र सिंह ऐरी १८ सोमपाल कामी ७ शरद भेषावकरले १ रनको योगदान गर्दा बसन्त रेग्मी ० रनमा आउट भए । टस हारेर ब्याटिंगको निम्तो पाएको क्यानडाले पुरै ५० ओभरमा ८ विकेट गुमाएर १९४ रन बनायो । उसका लागि सृमन्था विजेरत्ने १०३ रनको योगदान गरे ।
नेपालका बसन्त रेग्मीले ३, सन्दिप लामिछानेले २ तथा करन केसी र शरद भेसावकरले समान १–१ विकेट लिए । सन्दीप लामिछाने प्र्रतियोगतमा सबैभन्दा धेरै विकेट लिने खेलाडी भएका छन् । चार खेलमा उनले १६ विकेट लिए । नेपाल पहिलो खेलमा नामिबियालाई १ विकेटले, तेश्रो खेलमा युएईलाई ४ विकेटले, चौथो खेलमा केन्यालाई ३ विकेटले पराजित पराजित गरेको थियो भने दोश्रो खेलमा नेपाल ओमानसँग ६ विकेटले पराजित भएको थियो ।
