दमक,भदौं २६/ करेन्ट लागेर झापामा आज एक शिक्षकको ज्यान गएको छ । दमकको हिमालय माध्यमिक विद्यालयमा कार्यरत एक शिक्षकको माछा मार्ने क्रममा करेन्ट लागेर मृत्युु भएको हो ।
शिवसताक्षी ८ डुडामारी घर भएका महेन्द्रराज शेर्माको माछा मार्ने क्रममा करेन्ट लागेर मृत्युु इलाका प्रहरी कार्यलय दमकले जनाएको छ । करेन्ट लागेर गम्भिर घाइते भएका उनलाई उपचारका लागी दमक ल्याउँदै गर्दा बाटोमै ज्यान गएको इलाका प्रहरी कार्यलय दमकका प्रमुख बिजयराज पण्डितले बताए ।
उनी झण्डै ४ बर्षदेखि हिमालय माध्यमिक विद्यालयमा कार्यरत रहेका थिए । विद्यालयका प्रधानाध्यापक ओमप्रसाद अचार्यका अनुसार उनि प्राथमिक तहमा कार्यरत शिक्षक हुन् ।
फेसबूकमा कमेन्ट्स गर्नुहोस्
