सुनसरी/ ईटहरी उप–महानगरपालिका २ स्थित एक घरबाट सोमबार दिउँसो बाघको छालासहित २ जनालाई पक्राग गरेको छ ।
बिशेष सुराकीको आधारमा इलाका प्रहरी कार्यालय ईटहरीबाट खटिएको टोलीले ईटहरी उप–महानगरपालिका २ बस्ने गणेश वहादुर गुरुङको घरको कोठाबाट बाघको छाला र नगद साढे ३ लाख सहित ईटहरी २ बस्ने ३५ बर्षिय श्याम बहादुर गुरुङ र ईटहरी ६ बस्ने ३३ बर्षिय बिनोद देवानलाई पक्राउ गरेको हो ।
दिउँसो करिब सवा १ः२० बजेको समयमा उक्त घरमा खानतलासी गर्ने क्रममा चोरी पैठारी गरी खरिद विक्रि–वितरणको लागी लुकाई राखेको अवस्थामा छाला र नगद फेला पारी बरामद गरेको कार्यालयले जनाएको छ । पक्राउ परेका उनीहरुउपर थप अनुसन्धान भईरहेको छ ।
फेसबूकमा कमेन्ट्स गर्नुहोस्
