दमक / केहिदिन देखी बेवारीसे अवस्थामा रहेका एक बृद्धको दमक नगर उप प्रमुख रेगिना भट्टराईले उद्धार गर्नु भएको छ ।
दमक ७ राधाकृष्ण मन्दिर नजिकै केहिदिन देखी बेवारीसे अवस्थामा बस्दै आएका अन्दाजी ७० बर्ष जतिको उमेरका बृद्धको आज उद्धार गरेर ईटहरीस्थित मावन सेवा आश्रम पठाईएको नगर उप प्रमुख भट्टराईले बताउनु भयो ।
बेवारीसे अवस्थामा एक बृद्ध केहिदिन देखी बस्दै आएको र चिसोले अझ समस्या भएको भन्दै स्थानियले खबर गरेपछि पुगेर उद्धार गरी ईटहरी मानव सेवा आश्रममा बुझाईएको उहाँले बताउनु भयो । बोली नआउने भएकोले बृद्धको परिवारको बारेमा थाहा नभएकोले तत्काललाई ईटहरी पठाईएको नगर उप प्रमुख भट्टराईले बताउनु भयो ।
भट्टराईले यस अघि पनि दमक -१० का पूर्ण अशक्त उदयमान कार्कीलाई एक थान इस्टेक्चर र दमक -७ का अशक्त बिक्रम बराललाई एक थान ह्विल चियर वितरण गर्नु भएकाे थियाे ।
फेसबूकमा कमेन्ट्स गर्नुहोस्
