दमक नगरपालीकाले विपन्न सुत्केरी पोषण कार्यक्रम अन्तर्गत आज सुत्केरी महिलालाई पोषणयुक्त खानेकुरा वितरण गरेको छ । चालु आर्थिक बर्ष अन्तर्गतको बजेटबाट नगरमा स्थायी बसोबास भएका सुत्केरी महिलाहरुलाई दिईने पोषण युक्त खाना वितरण गरिएको नगर स्वास्थ्य अधिक्रित नगेन्द्र भट्टराईले जानकारी दिए ।
नगर प्रमुख राम थापा र उप प्रमुख रेगिना भट्टराईले आज २५ जना महिलालाई पोषणयुक्त खानेकुरा वितरण गरेका छन् । सुत्केरी पोषण कार्यक्रम अन्तर्गत नगरका सुत्केरी महिलालाई खाद्यान्न वितरण गर्दै नगर प्रमुख थापाले महिलाहरुको स्वास्थ्य र सुरक्षाका लागी नगरपालीकाले बिभिन्न कार्यक्रम सञ्चलन गरेको बताए । प्रसुति गराउँदा दिईने रगत पनि नगरपालीकाले निशुल्क उपलब्ध गराईरहेको भन्दै उनले यस्ता कार्यक्रमबाट मात्री शिशु मृत्यु दरमा कम हुने विश्वास लिएको बताए ।
जिरा मसिनो चामल, घिउ, दाल, ज्वानो, मह, अण्डा लगायतका प्रति व्यक्ति करिब पाँच हजार रुपैयाँ बराबरका सामाग्रि उपलब्ध गराईएको नगर स्वास्थ्य शाखाका कर्मचारी देविका अर्यालले जानकारी दिइन्।
