आन्तरिक पर्यटनको प्रर्वद्धन गर्दै जङ्गे किल्ला रोयल इन्फिल्डर्स

दमक / जङ्गे किल्ला रोयल इन्फिल्डर्स ले विश्व पर्यटन दिवस भव्यताका साथ मनाएको छ ।

दमकमा रहेको बुलेट बाइक राइडर युवाहरुको समूह जङ्गे किल्ला रोयल इन्फिल्डर्सले विश्व पर्यटन दिवसको अवसर पारेर आज झापा देखि इलाम सम्मको यात्रा सम्पन्न गरेका छन् ।

झापाको दमक देखि इलामको पर्यटकीय स्थल कन्याम, झापाको सालबारी लगायतका स्थानमा पुगेर आन्तरिक पर्यटनको प्रचार प्रसार लागि एक दिने यात्राको आयोजना  गरिएको समूहका संयोजक योगेश लिम्बूले बताए ।

यात्रामा दमक र सुरुङ्गा गरी २१ जना बाइक राइडरहरु सहभागी भएका थिए। सोही अवसरमा जङ्गे किल्लाको व्यवस्थापनको लागि अमेरिका निवासी जङ्गे किल्लाका सदस्य अर्जुन पक्वालले ३५ हजार सहयोग समेत गरेका छन् ।

क्लबले स्थापना कालदेखि विभिन्न समयमा आन्तरिक पर्यटनको प्रचार र विभिन्न सामाजिक गतिविधिमा सक्रिय रहेको छ ।

 

फेसबूकमा कमेन्ट्स गर्नुहोस्