दमक / झापाको दमकमा केन्द्रीय कार्यालय रहेको क्लब हिमालयन टाईगरकाे चौथौ साधारण सभा सम्पन्न भएको छ ।
क्लबका अध्यक्ष रेवत चन्द्र भण्डारीको सभापतित्व तथा दमक नगरपालिकाका प्रमुख राम थापाको प्रमुख आथित्यतामा क्लबको चौथौ साधारण सभा सम्पन्न भएको हो । दमक ईलाका प्रहरी कार्यालयका प्रहरी निरिक्षक जीवन गौतमकाे विशेष आथित्यता भएकाे साधारण सभामा वर्ष भरी गरेकाे कार्यक्रमकाे विवरण सार्वजनिक गरीएकाे थियाे ।
क्लबले साधारण सभाबाट विभिन्न शाखाको गठन गरी संयोजक समेत तोकेको छ । जसमा दीपक खड्का दमक, केदार चापागाई कमल गाउ पालिका, भिम कडरिया बिर्तामोड, दिपक सुवेदी शिवसताक्षी, खेमराज जमरकट्टेल इजराइल, प्रेम कुमार उप्रेती कतार,नारायण श्रेष्ठ र राजन खड्का अमेरिका,दिल बहादुर थापा अष्ट्रेलिया, क्षितिज पाण्डे लाई युएईका लागि संयोजक तोकिएको छ ।
क्लबले समाजका विभिन्न क्षेत्रमा काम गरेका सामाजिक अभियन्ता भगवती श्रेष्ठ, गजेन्द्र निरौला, राजकुमार श्रेष्ठ, बेनु चुडाल लाई सम्मान गरेको छ ।
कार्यक्रममा लायन्सकर्मी बिप्लब दंगाल, दमक उद्योग बाणिज्य संघका प्रथम उपाध्यक्ष राजु खड्का, जीवन चक्रका गणेश गौतम, असहाय मानव सेवा समाजकी अध्यक्ष चेतना निरौला, रक्तदाता राजकुमार श्रेष्ठ, सामाजिक अभियान्ता वेनु चुडाल लगायतले क्लबले गरेका गतिविधिको चर्चा गर्दै साधारण सभाको शुभकामना दिएका थिए ।
