दमक । चाड पर्व नजिकिँदै गर्दा एक पछि अर्को चलचित्रले प्रदर्शन मिति घोषणा गरी प्रमोसनका लागि देश दौडाहामा लागेका छन् । यसैक्रममा चलचित्र ‘बाबरी’ले पनि प्रदर्शन मिति घोषणा गरी कलाकार सहित निर्माण टोली प्रमोसनका लागि पूर्वमा आई पुगेका छन् ।
आज दमकमा पत्रकार सम्मेलन गर्दै चलचित्रकी नायीका अदिति बुढाथोकीले दमक आफ्नो मामली समेतभएकोले यहॉबाट धेरै मायॉ पाएको बताइन् । नायक धिरज मगरले नयॉपन बोकेको चलचित्र भएकोलेदर्शकलाई निरास नबनाउने बताए । कलाकार कमलमणि नेपालले बाबरीले युवा पुस्तामा फरक सन्देश दिन खोजेको बताउँदै, चलचित्र हेर्न आग्रह गरे ।
पत्रकार सम्मेलनमा उद्योग बाणीज्य संघ दमकका बरिस्ठ उपाध्यक्ष गोपाल गुरागाईंले दशैंको अवसरमा आएको चलचित्रले दर्सकको मन जितोस भन्ने सुभकामना दिए । त्यसैगरी दमककी पुर्व उप प्रमुख गिता अधिकारीले अदिति धेरै संघर्ष गरेर आएका कलाकार भएकोले सफल हुने विस्वास ब्यक्त गरिन् ।कार्यक्रममा फिल्मका लेखक समेत रहेका सिजन दाहालले युवा पुस्तामा हुने प्रेम,बिछोड को कथालाई कलात्मक रूपले फिल्ममा देखाएको बताए ।
यो चलचित्र आगामी आगामी असोज १४ गते रिलिज हुने निर्माण टिमले घोषणा गरेको छ । सुरेन्द्र पौडेलको निर्देशन रहेको चलचित्रमा धीरज मगर र अदिती बुढाथोकीको शीर्ष भूमिका छ । त्यस्तै नवअभिनेता धीरज नत्कारको पनि चलचित्रमा मुख्य भूमिका रहेको छ ।
त्रिकोणात्मक प्रेमकथामा निर्माण भएको चलचित्रमा धीरज र अदितीले पहिलोपटक सहकार्य गरेका हुन् । पुष्पा बुढाथोकीको निर्माण रहेको चलचित्रलाई नरेन्द्र मैनालीले खिचेका हुन् ।
