दमक / दमक ९ स्थित सेतुमारी कृषि सहकारी संस्थाले आज आफ्नो दशौं बार्षिक साधारण सभा सम्पन्न गरेको छ ।
कार्यक्रमकी प्रमुख अतिथि दमक नगरपालिकाकी उपप्रमुख रेगिना भट्टराईले कृषि क्षेत्रको बिकास बिना मुलुकको समृद्धी असम्भब रहेको बताइन्। कृषिबाटै समृद्धीको यात्रा तय गर्न सहज हुने भन्दै उनले नगरपालीकाले पनि कृषिको प्रबर्धनका लागी प्राथमिकता दिएर बजेट बिनियोजन गरेको बताइन् । उनले कृषकलाई दिईने अनुदान वास्तबिक कृषकले पाएको या नपाएको भन्ने बारे आफुहरुले अनुगमन गरिरहेको पनि उल्लेख गरीन्। अनुदान लिने तर काम नगर्ने किसानलाई थप सेवा सुबिधा दिन नगर अग्र्रसर नहुने भन्दै उनले अनुदानमा पाएका कृषि सामाग्रीहरुको उचित प्रयोग गर्न आग्रह गरीन् ।
सहकारीले गत भदौ १८ गते गतेदेखी सुरु गरेको साधारण सभा आज सम्पन्न गरेको हो । संस्थाको आर्थिक बर्ष २०७८-७९ मा कुल कारोबार २ करोड ५९ लाख ५० हजार १ सय ६८ रुपैया १५ पैसा रहेको संस्थाका अध्यक्ष सोमराज तामाङ्गले जानकारी दिए । सहकारीले बिभिन्न बिधामा उत्कृष्ट भएका आफ्ना सदस्यहरुलाई सम्मान समेत गरेको थियो ।
